Dette er den sjette boka i serien Det hende i Telemark. Dei fem tildlegare bøkene blei gjevne ut av forlaget Eldhuset i Bø i perioden 2018-2022. Desse fem bøkene er basert på kring 190 lokalhistoriske artiklar som Halvor Ulvenes har skrive i avisa Varden. I 2017 fekk han journalistprisen av Telemark Journalistlag for desse artiklane. 

Den sjette boka er i sin heilskap basert på artiklar frå Telemarksavisa (TA), der Halvor Ulvenes har vore frilansjournalist sidan hausten 2022. Mange av artiklane i denne boka har stått i Telemark Tidend som kjem ut i TA om fredagane.

Halvor Ulvenes (f. 1955) skreiv sin fyrste artikkel i Varden for 50 år sidan. Etter fullførte studiar i 1978 arbeidde han som vernepliktig journalist i Forsvarsdepartementes presseteneste i ni månader. Han hadde den fyrste faste stillinga som journalist i Norges Industri, og var deretter sju år i Økonomisk Rapport. Da Halvor gjekk av med pensjon i 2022, hadde han vore fast tilsett journalist i Varden i over 34 år.